ﺳﻮﻱ ﺍﻟﺼﺒﺮ ﻫﻨﺪﺍﻣﻚ ﺷﻦ ﻓﺎﻳﺪﺓ
ﺑﻜﺎﻙ
ﻳﺎ ﺭﻭﺣﻲ ﺳﺎﻛﺖ ﺗﻤﺤﻘﻲ ﺍﻳﺎﻣﻚ
***
ﻛﻔﻜﻔﻲ ﺩﻣﻌﻚ ﺍﻟﻤﺒﻬﻮﻝ ﺧﻔﻔﻲ
ﻟﻮﻋﺔ ﺁﻻﻣﻚ
ﻭﺍﻟﻤﻘﺴﻮﻡ ﺟﺒﺮ ﺍﺭﺿﻴﺒﻮ ﻣﺎ ﺩﺍﻡ
ﻭﺍﻗﻌﻮ ﻗﺪﺍﻣﻚ
ﺃﻭﻋﻚ ﻣﻦ ﺧﻴﺎﻝ ﺍﻟﻮﺍﻫﻲ ﺗﺒﻨﻲ ﻋﻠﻴﻬﻮ
ﺍﺣﻼﻣﻚ
ﻭﺍﻟﺪﺭﺏ ﺍﻟﺒﻮﺩﺭ ﺳﻴﺪﻭ ﺍﺣﻔﻈﻲ ﻣﻨﻮ
ﺍﻗﺪﺍﻣﻚ
***
ﺍﻧﺴﻴﻬﻮ ﺍﻟﻨﺴﺎﻙ ﻳﺎ ﺭﻭﺣﻲ ﺷﻴﻠﻲ
ﺧﻴﺎﻟﻮ ﻣﻦ ﺑﺎﻟﻚ
ﺧﻼﻛﻲ ﻭﺭﺟﻊ ﻓﻲ ﺣﺎﻟﻮ ﺷﻤﺖ ﻓﻴﻚ
ﻋﺬﺍﻟﻚ
ﻻ ﻗﺎﻝ ﺍﻟﻤﻌﺬﺑﺔ ﺑﻴﻬﻮ ﻳﺴﺄﻝ ﻣﺮﺓ ﻋﻦ
ﺣﺎﻟﻚ
ﺿﻮﻗﻲ ﻃﻌﻢ ﻓﺮﺍﻗﻮ ﻳﺎ ﺭﻭﺣﻲ ﻛﺎﻥ
ﺍﻟﺼﺒﺮ ﻳﺤﻼﻟﻚ
***
ﻳﺎ ﺭﻭﺣﻲ ﺍﻟﻤﻌﺬﺑﺔ ﺩﻳﻤﺔ ﺳﺮ ﺗﻌﺬﻳﺒﻚ
ﺍﻟﻐﻴﺮﺓ
ﺍﻧﺴﻴﻬﻮ ﺍﻟﻨﺴﺎﻙ ﺑﺎﻟﻤﺮﺓ ﻭﺍﻗﻄﻌﻲ
ﺩﺍﺑﺮ ﺍﻟﺴﻴﺮﺓ
ﻻ ﺭﺍﻋﻲ ﺍﻟﻌﻬﻮﺩ ﺍﻟﺒﻴﻨﺎ ﻻ ﻗﺪﺭﻟﻮ ﺣﻖ
ﺟﻴﺮﺓ
ﻣﻐﺮﻭﺭ ﻻ ﺗﺒﺎﺭﻱ ﺩﺭﻳﺒﻮ ﻏﻴﺮﻭ ﺍﻟﺪﻧﻴﺎ
ﺑﻲ ﺧﻴﺮﻩ
***
ﻭﺍﻟﺒﺴﻲ ﺗﻮﺏ ﻋﺬﺍﻙ ﻳﺎ ﺭﻭﺣﻲ ﻣﺎ ﺩﺍﻡ
ﺍﻟﺰﻣﻦ ﺟﺎﻳﺮ
ﻭﺍﻟﺘﻘﻲ ﺻﺒﺮﻙ ﺍﻟﻤﺮﻗﻮﻉ ﻭﺍﺩﺭﻋﻲ
ﺳﺘﺮﺓ ﺍﻟﺴﺎﺗﺮ
ﻟﻮ ﻛﺎﻥ ﺍﻟﺤﺰﻥ ﻃﻼﻛﻲ ﻻ ﺑﺪ ﺍﻟﻔﺮﺡ
ﺯﺍﻳﺮ
ﻭﺍﻟﻔﺮﺡ ﺍﻟﺘﻌﻘﺒﻮ ﺍﺣﺰﺍﻥ ﺍﺭﻳﺘﻮ ﻳﺎ
ﺭﻭﺣﻲ ﺑﺲ ﻃﺎﻳﺮ
