اسقينى هوانك واشقينى من مر هجرانك اروينى
خطوات الحزن الماشة عليك فى سكة دروب تاذينى
جيتك موعود بي خاطر الحب لاقيت دنياكى اسى والام
فارقتة الدنيا وراكى امل كتلنى ضنين الوعد السام
ودعتة شموس ريدك لوعات ودفنتة احل*** فى الايام
ما طال العمر الرادك راح يبقى انسى حنينك وانسينى
انسينى عشان حبك مرهون بهاجس ودع منى زمان
والحرف الساكن فى جواي شديتو على وتر الاحزان
والكامن فى اعماقى نحيب ممزوج بي حسرة عمري هوان
والشاغل بعدك فكري اساي بي نار اشواقك صالينى
صالينى حنينك والحرمان رديت وما كنت المسؤل
علمنى زمانك انسى واعيش كيفن بتذكر مامعقول
زاير دنياك من يوم ما جيت جيت لى دنياك واصبح مكتول
لا تذرفى دمعك فينى حرام كيفن كاتلانى وتبكينى
تبكينى وتبكى معاية هواك الغادر من قلبك ضاع
يالجة فنونك والاحزان والالم ماذى قليبى الضاع
والمركب كيفن يرحل عاد لا صاري ولاليهو اي شراع
والشاطى وراك ياغيم الهم وانا غرقان تب لا ترجينى
ترجينى وماقتلك راجع حتى لو كان شاطية هواك
احسن لى اموت دونك موجوع اتلاشة وما ارجاهو حياك
شن باقى دحين ماسويتى شليتى كيانى وما كفاك
اتذكري لو كان الذكري رديها عشان بس تنسينى
