والله ي ست الجمال انا ماني باكي علي ضياع أمالي فيك ولا حتي نادب حظي ساعة الجابني ليك
وخلاص قنع قلبي القبيل ميال عليك يقنتو ي ست الجمال علمتو ما يشتاق يشيل الشوق يجيك**
مع اني ي ست الجمال عارف جمالك في الجمال طاغي ورهيب وعارف مشاويرك طوال لو ماني عاشق كان مشيها علي صعيب ما شفتي قلبي وحالو كيف من وقدتو الشوق اللهيب
وصبرا يطول يبقي ذل والنوح كمان للمتلي عيب
وانا قلبي ي ست الجمال طيرا سماهو أفق رحيب
رحال وما اتعود شمس تشرق عليهو محل تغيب
دايره الرجوع وما بيأمنك قلبي الجروحو بدت تطيب انسيهو ي ست الجمال الماضي فات والجاي غيب**
تلوميني انا؟ ما انتي الغدرتي وقلبك أختار ذول سواي
وخطواتك اختارن درب عكس المشنو قبيل معاي
مع السلامه بقولا ليك واعبر بحور الشوق براي
دنياكي منها شن لقيت ياما سقيت ريدك دماي
وذكراكي منها بعتبر لو روحي حنت للوراي
ولو مره أضناني المسير بركز علي صبري وغناي
وبعد الحصل والله ي ست الجمال من شوقي ليك حاضن الصبر ونيران هواك ايام طوال
دربك مشيتو بلا امل ولقيت وصول أخرو المحال
وحملت آلام فرقتك الفوق حدود الأحتمال
وأحترت فيك كيف كنا ي ست الجمال ماشين وقلبك شاغلو غير لو جيتك القاكي السراب وتجيني تلقيني الغدير
غلطان انا السكنتك أعماقي ووهبتك الحب الكبير غداره ي ست الجمال مغروره ي ست الجمال غداره عزت نفسي اعظم من جمالك بي كتير
