Ahmed mustafa
عدد المساهمات : 17
تاريخ التسجيل : 24/10/2011
العمر : 38
الموقع : ودرعيه-حي الشهداء
 | | موضوع: ................................... الإثنين نوفمبر 14, 2011 6:23 pm | |
|  ختي في النيل مرة ايدك بحلف انو النيل حيطعم الحرير اديهو لمسة شان صباعك منو انعم ونحنا بقربك بننعم الشروق يا روحي مني هو البيطلع شان يصابحك ادي للغزلان ملامحك عطري الكون باريجك علمي الناس التعامل والطواويس كيف مشيها يا بنية كما الكواكب بطلع النور من وشيها واحلاة اسمر وجيهك المساحيق ما بتجيهو مهرجان ميعاد خروجك الشوارع ترتجيهو وتنتظر لحظة مجيهو تلقي فيهو الناس مواكب والضفائر الفيكي راقدة في القلوب نيرانا قايدة لجهنم روحنا قايدة بتشبه البحر البهضرب لما فيهو الموجة تضرب تمشي للضفة وتغازل مرة طالع ومرة نازل الدموع النازلة منك لما تسبح في خدودك تبقى زي النيل وحاتك لما يجري على الخريطة انتي ياسودان مصغر مهما يكبر ما قصادك ياحبيبتي بشوفو اصغر لما تقدلي في الشوارع التراب يا بت بيرقص الحلا البتجيكي ذايدة وماشة في الدنيا وبتنقص النجوم ياروحي ماتت في خدودك كل بريقا الغيوم الجاية ليكي حاولي حني وبلي ريقا انتشار الكون عليكي طالعة من فكرة حضورك وانتمائك لفرحنا من ذهول الدهشة فيكي وانطياب الام جرحنا اختصار للدهشة انتي قوس قزح وكتو الغشانا فيهو يا محبوبتي بنتي من نعومتك شايف الدم في وريدك وقبل اوصف فيني ريدك العيون بالشوق بتدمع وتنطبع كلمة بريدك دون نجوم الدنيا عادي بس وجودا وحاتك افضل انتي طعم الدنيا دونك ياحبيبتي مرار وحنضل انتحار الموت وراكي ياحبيبة روحي شفتو وانو شمس الدنيا باهتة بوجودك اكتشفتو مر شراب ظلم الليالي في غيابك ارتشفتو بت غريبة وبت عسل بت حبيبة وبت امل صوتا طالع من تصادم النسمة في فرع النخل السحاب وكتو البشوفك بالفرح يا روحي بيشهق وفوقو امطارك البتهطل اي قانون غير وجودك في حدودك انتي ببطل في غياب حضرة جلالتك نحنا والازهار بكينا ويوم تعبنا للقمر من شكينا القمر عاتبنا نحنا وفتش الاعذار عشانك انتي يا بت عالي شأنك وا حلاتك يا حبيبة الشمس ساعة مغيبة صورة من اسدال جفونك الجمال مهما توصف ومهما يكبر برضو دونك الشموس دايرات ضياكي قوس قزح متشهي لونك البرق ساعتو البيشلع لوحة من غمزة عيونك الصباح وكتو البيطلع نورو من انوار سنونك باختصار يا نور حياتي انتي كل الكون دا كونك في النهاية داير اقولك نحنا مكتولين في حسنك بس وحاتك ما برانا معجبين يا روحي بيكي نحنا والحلة ورانا [ندعوك للتسجيل في المنتدى أو التعريف بنفسك لمعاينة هذه الصورة] | |
|
ود العاقب
Admin
عدد المساهمات : 141
تاريخ التسجيل : 23/10/2011
العمر : 34
الموقع : حي السوق
| | موضوع: رد: ................................... الإثنين نوفمبر 14, 2011 8:34 pm | |
| | |
|
