ﻛﻞ ﻣﺎﺍﻗﻮﻝ ﺍﻧﺴﺎﻙ ﻻﺑﻴﻨﻲ ﻻﺑﻴﻨﻚ
ﺍﻟﻘﻲ ﺍﻟﺤﻨﻴﻦ ﺟﻮﺍﻱ ﻳﺴﺄﻝ ﻳﻘﻮﻝ
ﻭﻳﻨﻚ ...
ﻣﻊ ﺍﻧﻮ ﻟﻲ ﺳﻨﻴﻦ ﺑﻴﻦ ﻧﺎﺱ ﻭﻧﺎﺱ
ﺑﻨﺎﺩﻳﻠﻚ ﺍﺷﻤﻌﻨﺎ ﺍﻃﻮﻝ ﻓﻲ ﻳﻮﻡ
ﻭﺍﺩﺧﻞ ﻣﺴﺎﻛﻨﻴﻚ !!....
ﻓﺠﺮ ﺍﻻﻣﺎﻧﻲ ﺍﻟﻄﺎﺵ ﻋﺸﻤﺘﻮ ﺑﻲ
ﻟﻴﻨﻚ ﺑﻌﺪ ﺍﻃﻤﺄﻥ ﻣﻌﺎﻙ ﺟﺌﺖ ﺑﻲ
ﺩﺑﺎﺑﻴﻨﻚ ؟؟؟...
ﻣﻤﺎﻋﺮﻓﺖ ﺍﻟﺮﻳﺪ ﺍﺩﻳﺘﻚ ﺍﺣﺴﺎﺳﻲ
ﺟﻮﺍﻱ ﺳﺆﺍﻝ ﻣﻄﺮﻭﺡ ﺯﺍﺣﻤﻨﻲ ﻓﻲ
ﺍﻧﻔﺎﺳﻲ.....
ﻟﻴﻪ ﺍﻧﺖ ﺩﻭﻥ ﺍﻟﻨﺎﺱ ﺩﺍﺋﻤﺎ" ﻋﻠﻲ
ﻗﺎﺳﻲ؟؟؟ ﻗﻮﻝ ﻟﻲ ﻳﺎﺗﻮ ﻳﻮﻡ ﺭﺍﻋﻴﺘﻮ
ﺍﺧﻼﺻﻲ؟؟؟ !!!!
ﺩﺭﺏ ﺍﻻﻣﺎﻧﻲ ﺍﻟﻄﺎﻝ ﻣﺎﺷﻴﻪ ﻭﺣﺪﺍﻧﻲ
ﻋﻄﺸﺎﻥ ﻭﺟﻨﺒﻲ ﺍﻟﻨﻴﻞ ﻭﻏﺮﻗﺎﻧﺔ
ﺍﺟﻔﺎﻧﻲ ....
ﻛﻞ ﻣﺎﺍﻗﻮﻝ ﺧﻄﻮﺍﺕ ﺑﻠﻘﺎﻙ ﻭﺗﻠﻘﺎﻧﻲ
ﺑﻴﻦ ﺍﻟﺮﻣﺎﻝ ﻭﺍﻟﻤﻮﺝ ﺗﺘﺸﺎﺑﻲ
ﺍﺣﺰﺍﻧﻲ ...
ﺟﻮﺍﻙ ﻭﺗﺮ ﺣﺴﺎﺱ ﻏﺎﻟﺒﻨﻲ ﺗﻔﺴﻴﺮﻭ
ﻭﻛﺖ ﻳﺮﻥ ﻳﻨﺪﺍﺡ ﺗﻌﻤﻞ ﻣﺰﺍﻣﻴﺮﻭ ...
ﺍﻧﺎ ﻓﻴﻪ ﺑﻠﻘﻲ ﻫﻨﺎﻱ ﻭﺑﻔﻬﻢ ﺗﻌﺎﺑﻴﺮﻭ
ﻟﻮ ﺣﺘﻲ ﻓﻴﻪ ﺷﻘﺎﻱ ﺍﻧﺎ ﻣﺎﺑﺪﻭﺭ
ﻏﻴﺮﻭ !!...
ﻣﻜﺘﻮﺏ ﻋﻠﻲ ﺍﻫﻮﺍﻙ ﻭﺍﺻﺒﺢ ﺣﻮﺍﻟﻴﻚ
ﻣﻊ ﺍﻧﻮ ﻗﺎﺳﻲ ﻋﻠﻲ ﺍﻭﺻﻞ ﻣﺮﺍﺳﻴﻚ ...
ﺳﻴﻒ ﺍﻟﻈﺮﻭﻑ ﺑﺘﺎﺭ ﺣﺎﺭﺱ ﺍﺭﺍﺿﻴﻚ
ﻟﻜﻨﻲ ﻣﺎﺷﻔﻘﺎﻥ ﻭﺟﻮﺍﻱ ﺑﻼﻗﻴﻚ...
ﺑﻠﻘﺎﻙ ﻣﻌﺎﻱ ﺑﻠﻘﺎﻙ ﻓﻲ ﻛﻞ ﻟﺤﻈﺔ
ﻭﻳﻮﻡ...
ﺑﻘﺮﺍﻙ ﻛﺘﺎﺏ ﻣﻔﺘﻮﺡ ﻓﻲ ﺯﺣﻤﺔ
ﺍﻟﺨﺮﻃﻮﻡ...
ﺑﻠﻘﺎﻙ ﻃﻔﻞ ﺳﻬﺮﺍﻥ ﺧﺎﺻﻢ ﻋﻴﻮﻧﻮ
ﺍﻟﻨﻮﻡ ﺣﺒﻮﺑﺘﻮ ﻗﺎﻟﺖ ﻟﻮ ﺍﻧﺎ ﻣﺎﺑﺤﺠﻴﻚ
ﻧﻮﻡ...
ﺑﻠﻘﺎﻙ ﻳﻮﻡ ﺍﻟﻌﻴﺪ ﻭﻳﻮﻡ ﻣﻮﻟﺪ
ﺍﻟﻤﻌﺼﻮﻡ ﻭﻛﺖ ﺍﻟﺪﻣﻴﺮﺓ ﺗﻔﻴﺾ
ﻭﻳﺮﺣﻞ ﺟﻔﺎﻑ ﺍﻟﺸﻮﻕ...
ﺑﻠﻘﺎﻙ ﻧﺨﻴﻞ ﻣﻤﺪﻭﺩ ﻓﻮﻗﻮ ﺍﻟﻘﻤﺎﺭﻱ
ﺗﺤﻮﻡ...
ﺑﻠﻘﺎﻙ ﺣﻨﻴﻦ ﻣﻨﺴﺎﺏ ﺟﻮﺓ ﺍﻟﻌﻴﻮﻥ
ﻣﺮﺳﻮﻡ...
ﺑﻠﻘﺎﻙ ﻓﻲ ﻛﻚ ﺷﺊ ﺑﻬﻮﺍﻙ ﺑﺠﺪ
ﻣﻬﻤﻮﻡ...
ﺑﻠﻘﺎﻙ ﺣﻨﻴﻦ ﻭﺍﺷﻮﺍﻕ ﻭﻣﺸﻮﺍﺭ
ﻃﻮﻳﻞ ﻣﻌﻠﻮﻡ...
ﺑﻤﺸﻴﻪ ﻣﻬﻤﺎ ﻃﺎﻝ ﻭﻣﻬﻤﺎ ﺑﻘﻴﺖ
ﻣﺤﺮﻭﻡ ﻟﻤﻦ ﺍﻣﻮﻭﻭﺕ ﻓﻲ ﺭﺟﺎﻙ ﻭﻻ
ﺍﻟﻘﻴﺎﻣﺔ ﺗﻘﻮﻡ ...!!!!
