اقدار يانور عيني
ياالكنت فاكرك لي
ماالكنت متصور
يوم أجيت مغلوب
شايل جرح دنياي
من ذول آكان محبوب
دي الدنيا ياما توري
والدهر ياما يقري
لمن تفوت انت
ياحبيبي ياأنت
الدنيا بس شلت
انا فاكرك لي
وناسي الزمن واحكامو
هم البريد في يومو
مابدور يشوف قدامو
تاري الذمن بفرقني
منك بعيد يحرمني
يظلم سنيني السمحة
ينسى العذاب البي
صبرالسنين الكان
حاضننوا في الاعماق
كم بغروا منو الناس
بقى للعزول حراق
لوكان خلاص مليتني
قلبي الحنين خليتو
مجبور اسامحك انا
وامسح دموع عيني
انا مابلومك انت
مهما الدموع تتحدر
تفضحني غصبا عني
دموعي
البينا اكبر واكبر
من قلبي ليك بتمنى
تسعد كمان وتتهنى
بأكر تبارك لي
والحنه في إيدي
ياالكنت فاكرك لي
