ارجوك يانسيم يوماتي ابقى بريده كل ماتمشي جيب لي من خباره جريده
السبب البخلي افكاري ديمه شريدة
قلبي يحن لي ارض الحجاز وبريدها
ارضا فيها يس بن عبدالله جايل عقلي فيهاوديمة بيها بلاهي
حبها لي أمرا في فؤادي وناهي
اهو الخلاني انطق بالجواهي فاهي
يابلد الرسول فوقك بجر القافية
ياوطن الرجال اهل السريرة الصافية
لي قلبي السقيم فد نظرة منك شافية
ده شوقي عليكي ذي شوق المريض للعافية
قسمها بي مناها وكعبه واركانها
والقبه البتتمني الثريا مكانها
غاية قصدي ازورها وابقى من سكانها لكن المقادير مالكنا
مغروم بيها من ايام قراية لوحي
مالقيت لي دوايا بيها اشقى جروحي
غير نفسي ترحلي للحجاز وتروحي واعرف من صبا طيبة البينعش روحي
مشتاق لي هواها ولي ذلال ابيارها
اه انا في الزمان لي متين امر بي ديارها
مابتنفع معاي القافلة والسيارة
مستعجل بدور امشيها بي طيارة
يانخلا مفرهد والسحاب يبكيلو
يازهرا بيبسم والنسيم بتكيلو
البلد المنور بي نهار وليلوا
من نور الهدي الجاه البعيرو يشكيلو
صاحب المعجزات ياحليل زمانو وجيلو
ان مشى في الارض وحش القفار ياويلو
يبراه الغمام مشتاق الي تظليل
من فرقوا بينوح جذع الشجر يبكيلو
